పచ్చని చెట్టు లాంటి ప్రేమ

పచ్చని చెట్టు లాంటి ప్రేమ

ఈ విశ్వానికి ఆక్సిజన్

వేళ్ళు పెకిలిస్తే సూర్య రశ్మితో తలెత్తుకుంటుంది

తల నరికితే వేళ్ళ ఆసరాతో చిగురిస్తుంది

అయినా

చెట్టు లేకుండా శ్వాస ఉంటుందా

ప్రేమించకుండా మానవ జాతి బతుకుంటుందా

గుండెల్లో పొంగే గంగను దోసిట్లోకి ఒంపితే ప్రేమ

బండలను పూల పుప్పొడిలా మారిస్తే ప్రేమ

కన్నీటి కెరటాల జీవిత సంద్రం మీద వెన్నెల నావలా సాగితే అది ప్రేమ

రెండు హృదయాల ఏక నాదం ప్రేమ

రూపాయికీ రూపానికీ

మోహానికీ శోకానికీ

శాపాలకీ శాసనాలకీ చెంప దెబ్బ ప్రేమ

సజీవ నది మీద పూల ప్రయాణం ప్రేమ

పచ్చని చెట్టు మీద సీతాకోకల అలంకారం ప్రేమ

వెన్నెల దీపానికి బంగారు కాంతుల సింగారం ప్రేమ

గుండే గుండే ఎందుకు కొట్టుకుంటావంటే ప్రేమ కోసం అంటుంది